🛒產品詳情:👉🏼按此
豬腩🐖 俗稱五花肉或者三層肉,屬於家豬嘅腹部,荷蘭豬腩肉皮下豬肉脂肪均勻,簡單方便易煮,炆餸亦可以好方便🤩 😎👩🍳 今次為大家示範南乳蓮藕炆豬腩,聽起上嚟好似好難煮嘅中菜,但其實簡單又方便😌
材料:
- 荷蘭豬腩肉
- 南乳兩件
- 腐乳兩件
- 干蔥頭5粒
- 冰糖一細粒
- 京蔥一條
- 年藕一個
- 木耳一碗
- 紹興酒
- 老抽
處理:
- 首先用水沖洗豬腩,之後放入滾水,泵水大約三分鐘,然後再用水沖一沖,抹手紙抹乾。
- 將干蔥頭切片,京蔥切段。木耳先浸水,略用水冲一冲,揸干水份,備用。
- 蓮藕切件,備用。
- 南乳兩件、腐乳兩件、紹興酒2茶匙,再攪勻,備用。
做法:
- 大火下油落切件豬肉煎至金黃色、放入干蔥,京蔥,爆香!
- 再加水兩至三碗水、放入一粒冰糖,加入木耳,年藕,加3茶匙老抽,轉慢火炆35分鐘,蓋鍋蓋。豬肉腍度剛好,便可享用~