🛒產品詳情:👉🏼按此
【挪威野生鯖魚】
同超市買到嘅鯖魚唔同,唔係中國加工或made in China,每條鯖魚都有頭有尾,仲要非常大條,「豐衣足食」入口嘅貨品一定係優質產品。呢款鯖魚係挪威飛機直送,一向都深受客人歡迎,個個都話「嘩!咁大條鯖魚出面邊到搵到啊」無錯!出面真係搵唔到咁有質素嘅鯖魚,經過我哋嚴格挑選,真係條條鯖魚都有成年壯男前臂咁粗,仲要持有挪威入口衛生證書,對客人絕對係信心保證!
來自酷寒天氣嘅挪威鯖魚,每條都係野生捕獲(咁大條唔養得出架),生長係無污染純淨冰冷嘅水域。魚身色澤鮮明,紋理清晰!
挪威鯖魚含有豐富嘅魚油,仲有對人體非常健康嘅元素。煮法亦都非常簡單易整,無論煎、焗或者蒸,都食到充滿魚油甘香,絕對唔係普通急凍嘅鯖魚片!今次就為大家介紹【日式焗鯖魚】
材料:
- 鯖魚一條
- 洋蔥
- 日本照燒汁
- 白籮白三分一個
- 白醋
- 白砂糖
- 日本豉油
- 麻油
- 檸檬一個
- 錫紙/牛油紙
處理:
- 先將解凍鯖魚,再清洗內臟同腮位。之後用日本照燒汁均勻搽係魚全身,可以搽埋係魚肚內。
- 切開魚肚之後,係魚骨中間位同魚背用手按一按,將魚身平放。
做法:
先放洋蔥係魚下面,記得將魚肉向面,180度焗25分鐘。就係咁簡單,就完成一道色香味俱全嘅菜式。鯖魚香味濃郁,魚肉亦好嫩滑,加上魚油豐富甘香,另外配埋檸檬蘿蔔汁,完全將鯖魚嘅鮮味帶出,味道甜甜酸酸,非常好醒胃又易入口。
檸檬蘿蔔汁料做法:
- 白籮白半三分一個去皮,刨蓉。
- 加入白醋一茶匙、白砂糖兩茶匙、日本豉油兩茶匙,麻油一茶匙和檸檬一個榨汁,全部攪勻。