🛒產品詳情：👉🏼按此
今晚煮乜餸？不如試下煮羊膝！唔好以為好難煮，其實只要跟住簡單食譜就掂！超好味，加上黑椒汁，羊肉又冧又嫩口，肉味香濃，一人食一隻真係一啲都唔過份。
羊膝肉一啲都唔肥！羊膝係羊嘅小腿部位，肉質纖維同膠質都比較多，還有帶骨頭。所以係烹煮過程中，會散發一些骨髓。今次同大家分享用黑椒汁炆焗羊膝，材料簡單又易做，希望大家喜歡！！
材料：
- 有骨草飼羊膝 1或2隻 4-6人
- 黑胡椒粒兩茶匙
- 味鹽兩茶匙
- 迷迭香 rosemary兩茶匙
- 百里香兩茶匙
- 海鹽 一茶匙
- 麻油三茶匙
- 蒜片5粒切片
- 乾蔥頭5粒切片
- 澳洲細粒薯仔
- 蘑菇5粒切粒
黑椒汁材料：
- 黑椒醬兩茶匙，蒜蓉兩茶匙，牛油一茶匙，水500ml
- 白沙糖半茶匙，黑椒粒兩茶匙，麻油一茶匙
處理：
- 羊膝清洗乾淨，用抺手紙抹下乾水份，並在羊膝身上不同位置切開小口，搽上海鹽、味鹽、迷迭香、百里香、黑胡椒粒、蒜片和乾蔥頭片，
- 最後加少許麻油鎖住水份，按摩羊膝。醃至少三小時、時間許可過夜更入味。
做法：
- 在焗盤中放薯仔和洋蔥，然後將羊膝放上，放入焗爐用 200 度火力，焗 35分 鐘。
- 返轉另一邊再焗35分鐘，看看羊膝表面金黃色，取出備用。
黑椒汁做法：
用煎pan，中火，落半茶匙牛油，爆香蒜茸，蘑菇粒，加黑椒醬兩茶匙，加水直至到羊膝一半，白沙糖半茶匙，黑椒粒兩茶匙，麻油一茶匙，轉細火，將已焗的羊膝放入，慢煮8分鐘，便將已焗的薯仔伴碟，羊膝上碟，淋上黑椒汁，便可享用。